erdoghan fazil sayning enqerediki konsértigha qatnashti

türkiye awazi radiyosi xewiri: enqerede soda uyushmisi qurultay zalida ötküzülgen konsérttin kéyin, erdoghan sehnige chiqip, fazil sayni tebriklidi. ataqliq piyanistni jumhur reislik külliyesidimu konsirt bérishke teklip qildi.

erdoghan fazil saygha ashiq weyselning «méning sadiq yarim qara tupraqtur» namliq lintisini hediye qilip rexmet éytti.

andin erdoghan we ayali emine erdoghan bilen jumhur reis muawini fuat oktay we tashqi ishlar ministiri mewlüt chawushoghlu bilen birlikte munberge chiqqanda, fazil say ularning qedem teshrip qilghanliqi üchün rexmet éytti we muzika lintisigha imza qoyup, hediye qildi. 

konsértqa erdoghanning repiqisi emine erdoghan, jumhur reis muawini fuat oktay, kültür we sayahet ishliri ministiri mehmet nuri ersoy, tashqi ishlar ministiri mewlüt chawushoghlu, dölet mudapie ministiri xulusi aqar, maarip ishliri ministiri ziya seljuq, ichki ishlar ministiri sulayman soylu, jumhur reislik bayanatchisi ibrahim kalin, armiye bash ishtab bashliqi général yashar güler, adalet we tereqqiyat partiyesi bayanatchisi ömer cheliktin bashqa yene, enqerede ziyarette boluwatqan amérika palata ezasi lindséy girahammu qatnashti.