b d t kilimat özgirishining aldini élish üchün barliq döletlerning mesuliyiti barliqini tekitlidi
b d t kishilik hoquq aliy komissari mishil bajélét barliq döletlerning kilimat özgirishining aldini élish üchün, xelqaraliq kishilik heq-hoquq dairiside qanuniy mesuliyetlirining barliqini tekitlidi.
türkiye awazi radiyosi xewiri: b d t kishilik hoquq aliy komissari mishil bajélét kéler ay polshaning katowis shehiride ötküzülidighan «b d t kilimat özgirishi konféransi» din burun munasiwetlik barliq döletlerge ochuq mektup ewetti.
u mektubida, dunyada milyonlarche kishining kilimat özgirishining xetiri astida yashawatqanliqini eskertip, yighingha qatnishidighan döletlerni kilimat özgirishige qarshi «ünümlük, izchil, muhim we kishilik hoquqni asas qilghan» qedemlerni bésishqa chaqirdi.
u mektubida: «kilimat özgirishi hazirning özide kishilerning turmushigha, heq-hoquqlardin ünümlük paydilinishigha we hemmimizge munasiwetlik éko sistémigha tesir körsitidu» dédi.
u kilimat özgirishining netijiliri we yer sharining issip kétishi üstide alahide toxtaldi we mundaq dédi:
«barliq xelqler, éko sistémilar we turmush shekilliri nahayiti asanla yoqilishi mumkin.»
u barliq döletlerning xelqaraliq kishilik hoquq qanunliri ramkisida kilimat özgirishining aldini élish we tesirini azaytish üchün qanuniy mesuliyitining barliqini tekitlep, heriketke ötülmigen teqdirde insaniyetning ornini tolduruwalghili bolmaydighan ziyangha uchraydighanliqini qeyt qildi.