méksikadiki su asti ghar tizmisida maya medeniyetining yadikarliqliri tépildi
mutexessisler tépilghan boyumlarning buningdin 2 milyon 600 ming yil ilgiridin tartip, 11 ming 700 yil ilgirigiche bolghan muz dewri tarixining aydinglishishigha muhim föhpe qoshidighanliqini ilgiri sürmekte.
türkiye awazi radiyosi xewiri: méksikadiki dunya boyiche eng chong su asti ghar tizmisida maya medeniyetining yadikarliqliri we tashqa aylanghan jisimlar bayqaldi.
arxiologiye mutexessisliri su asti ghar tizmisigha düshenbe küni shungghup, tépip chiqqan yadikarliqlar arisida, éyiq we lénwétis (horun haywan)ning söngekliridin bashqa yene, mayalarning urush we tijaret tengrisige atap yasighan heshemetlik bir ibadetxanisiningmu barliqi bildürüldi.
élip bérilghan ilmiy tekshürüshlerning netijiside, bu gharda zamangha egiship su sewiyesi yuqiri örlesh we töwenlesh hadisilirining körülgenliki otturigha chiqti.
qurghaqchiliq bolghan dewrlerde kishilerning bu gharni ichidighan su menbesi süpitide ishletkenliki texmin qilinmaqta.
arxiologiye mutexessisliri tépilghan boyumlarning buningdin 2 milyon 600 ming yil ilgiridin 11 ming 700 yil ilgirigiche bolghan muz dewri tarixigha muhim chiraq yaqidighanliqini ilgiri sürmekte.
bu haywaanlarning arisida yene, pillarning atisi depmu bilinidighan «gomphotheriidae» namliq pillarningmu söngekliri barliqi hemde insanlarning bolsa, köyüdürülgen söngekliridin bashqa yene, chéne xish we tam resimliriningmu barliqi qeyt qilindi.
mutexessisler yanwarda méksika yérim arallirining yujutan, sak aktan we dos ajostan dégen jaylirida dunya boyiche eng chong su asti 2 ghar tizmisi bayqighan bolup, aldinqi hepte su astigha shüngghush üskünilirining yaridimi bilen qedimqi dewrlerdin qalghan asare - etiqilerni izdep tépish pursitige ige bolghan idi.
