xitay rézhissorliri sayahet rayoni fethiyede filim ishlimekte

türkiye awazi radiyosi xewiri: xitayda milyonlarche körürmini bolghan «hayat-mamatliq küresh»namliq téléwiziye pirogrammisigha oxshap kétidighan musabiqe pirogrammisini léntigha élish ishliri mughla wilayitining fethiye nahiyeside bashlidi.

asiyadiki tonulghan artislar qatnishidighan bu musabiqini léntigha élish ishliri xitaydin kelgen 180 kishilik filim ishlesh guruppisi teripidin élip bérilmaqta.

fethiye nahiyesi jé jiyang ölkilik téléwiziye qanilining « 24 saet»namliq musabiqe pirogrammisini léntigha élish ishlirigha sahibxanliq qilmaqta.

30 terjimanning hemrahliqida fethiyening nahiye merkizidin sirt chalish sahili, shat burni, qush jenniti, kayakoy we yaniklar mehellisi, beljeghiz, kitrak sahilliri bilen okuytepe yérim arilida léntigha élish ishlirini élip bériwatqan xitay filim ishligüchilirining bu körünüshlerni pirogramma esnasida fethiyeni tonushturghanda ishlitidighanliqi bildürüldi.

xitay filim ishligüchiliri buningdin kéyinki léntigha élish xizmetlirining qaysi jaylarda élip bérilidighanliqi we qanche kün dawamlishidighanliqi toghrisida éniq melumat bermidi.