b d t «srébrénitsa irqiy qirghinchiliqi küni» qarar layihesini maqullidi

türkiye awazi radiyosi xewiri: gérmaniye we riwanda teripidin sunulghan, türkiye qatarliq 40 nechche dölet birlikte otturigha qoyghan qarar layihesi, 193 ezadin teshkil tapqan birleshken döletler teshkilati omumiy kéngishide 19 gha qarshi 84 awaz bilen qobul qilindi.

qarar layiheside, « srébrénitsa irqiy qirghinchiliqi» ni inkar qilish, insaniyetke qarshi jinayet sadir qilish, irqiy qirghinchiliq we urush jinayetchilirini etiwarlash qilmishliri eyiblendi.

irqiy qirghinchiliqning ziyankeshlikige uchrighanlarni éniqlap chiqish we ularning jesetlirini tépish üchün dawamliq tirishchanliq körsitishning muhimliqi tekitlendi,  téxiche sotqa tartilmighan «srébrénitsa irqiy qirghinchiliqi» ning jawabkarlirini dawamliq sürüshte qilish telep qilindi.

qarar layiheside yene, her yili 11 - iyul «srébrénitsa irqiy qirghinchiliqini xatirilesh küni» de hem ziyankeshlikke uchrighuchilarni xatirilesh hemde kishilerning bu heqtiki éngini östürüp, melumatlirini köpeytishte türtkilik rol oynaydighan paaliyetlerni teshkillesh telep qilindi. shundaqla irqiy qirghinchiliq jinayetchilirini jazalash jeryanida xelqara qanungha asasen héchqandaq étnik, diniy yaki bashqa guruppa we jemiyetning nishan qilinmighanliqi, bu heqte xelqara qanun boyiche ish körüshning muhimliqi tekitlendi.

«srébrénitsa irqiy qirghinchiliqi» ning arqa körünüshi

srébrénitsa rayoni 1995-yili 7-ayning 11-küni ratko mladichning qomandanliqidiki sérbiye qisimliri teripidin ishghal qilghandin kéyinla, birleshken döletler teshkilati qarmiqidiki gollandiyelik eskerlerdin panahliq tiligen boshnaq (bosniyelik) puqralar sérblargha tapshurup bérildi.

ayallar we balilarning boshnaq eskerlerning kontrolluqidiki rayongha bérishigha yol qoyghan sérblar, kem dégende 8 ming 372 boshnaq erni ormanliq, zawut we ambarlarda öltürdi, öltürülgen kishilerammiwi qebrilerge depne qilindi.

lahéydiki xelqara jinayi ishlarsot mehkimisi 2007-yildiki qararida, sabiq yugoslawiye xelqara jinayi ishlar soti sunghan delil - ispatlargha asasen, srébrénitsa rayoni we etrapida sadir qilinghan jinayetlerni «irqiy qirghinchiliq» dep atidi.

igilinishiche, srébrénitsa rayonidiki irqiy qirghinchiliq dawamida hayatidin ayrilghanlar arisida téxiche kimliki éniqlanmighan we jesiti tépilmighan 1600 din artuq adem bar  iken.