pashinyan: ermenler <tarixiy erméniye>ni eslige keltürüsh arzusidin waz kéchishi kérek

türkiye awazi radiyosi xewiri: bash ministir pashinyan erméniye parlaméntida parlamént ezalirining soallirigha jawab berdi؛ u ermenlerning saqliniwatqan mesililerni hel qilishqa yétekchilik qilalaydighan dölet tesewwurini hazirghiche otturigha qoyalmighanliqini tekitlidi.

1991-yili musteqilliqini élan qilghan erméniyening, 20 yildin kéyin dölitining qaysi nuqtigha yétidighanliqini körsitip béridighan birer pirogramma tüzüp chiqalmighanliqigha isharet qilghan pashinyan, bu mesilining yenila dawamlishiwatqanliqini, erméniyening <réal erméniye tesewwuri>gha mohtaj ikenlikini éytti.

u erméniyening ijtimaiy pisixologiyediki  saqliniwatqan eng muhim mesililerning birining «qoldin ketken erméniyeni eslige keltürüsh» arzusi ikenlikini ilgiri sürdi we sözini dawamlashturup: «biz weten ichide weten izdewatimiz. bizning siyasiy uchurimiz mana bu. hörmetlik puqralar, erméniye jumhuriyitining hörmetlik puqraliri! biz <tarixiy erméniye>ni eslige keltürüsh arzuyimizdin waz kéchishimiz kérek؛ chünki biz bu ana wetenge ige bolduq. bu ana weten 29 ming 743 kiwadrat kilométir igilik hoquqluq zémindin terkib tapqan erméniye jumhuriyitidur» dégenlerni qeyt qildi.