kolombiye ramallahta elchixana achidighanliqini jakarlidi
kolombiye pirézidénti gustawo pétro ramallahta elchixana échish toghrisida perman chüshürdi.
![kolombiye ramallahta elchixana achidighanliqini jakarlidi](http://cdn.trt.net.tr/images/xlarge/rectangle/5531/1cb7/312b/65f807417c11e.jpg?time=1718880261)
türkiye awazi radiyosi xewiri: kolombiye tashqi ishlar ministiri gilbérto murillo axbarat élan qilish yighinida, ramallahta kolombiye elchixanisining échilishi üchün munasiwetlik xizmetlerning bashlanghanliqini bildürdi.
u: «pirézidént pétro ramallahta kolombiye elchixanisining échilishi üchün perman chüshürdi. buning üchün xizmetlirimizni bashlaymiz» dédi.
u elchixanining qachan échilidighanliqi toghrisida éniq melumat bermestin, sözini mundaq dawamlashturdi:
«biz téximu köp döletlerning pelestinni étirap qilidighanliqigha ishinimiz. bu isirailiye yaki yehudiylargha qarshi chiqirilghan qarar emes. pelestin toluq igilik hoquqqa ige dölet süpitide étirap qilinishi kérek» dédi.
kolombiye 2018-yili 3-awghust pelestinni étirap qilghan bolup, 3-may (2024) ghezzede pelestin xelqige qiliniwatqan hujumlarni sewen körsitip, isirailiye bilen bolghan diplomatik munasiwetlerni üzgen idi.