yow gallant: «dunyada héchkishining israiliyeni tenqid qilish hoquqi yoq»
yow gallant xelqara jinayi ishlar soti bash teptishi kerim xanning israiliye dölet mudapie ministiri yow gallant heqqide xelqaraliq «tutush buyruqi» chiqarmaqchi bolghanliqigha qarita: «dunyada héchkimning israiliyeni tenqid qilish hoquqi yoq» dédi.
türkiye awazi radiyosi xewiri: xelqara jinayi ishlar sot mehkimisining bash teptishi kerim xan israiliye dölet mudapie ministiri yow gallant heqqide xelqaraliq «tutush buyruqi» chiqirishqa iltimas sunghandin kéyin, yow gallant «dunyada héchkishining israiliyeni tenqid qilish hoquqi yoq» luqini ilgiri sürdi.
israiliye dölet téléwiziye qanilining xewirige asaslanghanda, yow gallant israiliyening shimalidiki liwan chégrasigha jaylashqan golani birigadisining ofitsérliri we eskerliri bilen jiddiy yighin chaqirghan.
yow gallant xelqara jinayi ishlar sot mehkimisi bash teptishining «tutush buyruqi» chiqarghanliqi terepke hemmining diqqitini tartip, israiliye bash ministiri bényamin nétanyahu we dölet mudapie ministirini sotqa tartmaqchi bolghanlarning israiliye eskerlirige hujum qilghan bolidighanliqini ilgiri sürgen.
u: «dunyada héchkmning israiliyeni we bizning heriket usulimizni tenqid qilidighan exlaqiy heq-hoquqi yoq» dégen.
xelqara jinayi ishlar sot mehkimisining bash teptishi kerim xan israiliye bash ministiri nétanyahu we dölet mudapie ministiri gallant üchün «tutush buyruqi» chiqirishni iltimas qilghanliqini jakarlighan idi.
xelqara jinayi ishlar sot mehkimisining yazma bayanatigha asaslanghanda, kerim xan nitaniyahu we gallanttin bashqa yene, hamas siyasi biyurosining bashliqi ismail heniyye, hamasning ghezzediki rehbiri yehya sinwar we hamasning herbiy qaniti izzeddin elqassam birigadisining rehbiri muhemmed el deyf heqqidimu «tutush buyruqi» chiqirishqa iltimas sunghan.
