israiliye irélandiye bilen norwégiyediki bash elchilirini qayturup kélishini qarar qildi

türkiye awazi radiyosi xewiri: israiliye tashqi ishlar ministirliqi yazma bayanat élan qilip, israiliye tashqi ishlar ministiri yisrail katzning israiliyening dublin we osloda turushluq bash elchilirini bezi mesililerni kéngishish üchün, «derhal» israiliyege qaytishni telep qilghanliqini bildürdi.

bayanatta, bash elchilerning irélandiye bilen norwégiye pelestin dölitini étirap qilidighanliqini élan qilghanliqi üchün chaqirilghanliqi tekitlendi.

israiliye tashqi ishlar ministiri katz, eger ispaniye pelestin dölitini étirap qilishni qarar qilsa, madridtiki bash elchiningmu qayturup kélinidighanliqini éytti.

irélandiyedin kéyin, norwégiye tashqi ishlar ministirliii bügün bayanat élan qilip, xelqara qanun we birleshken döletler teshkilati xewpsizlik kéngishining munasiwetlik qararlirigha asasen, pelestinni  étirap qilidighanliqini élan qilghanidi.

ispaniye bash ministiri pédro sanchézmu dölitining 28-may pelestin dölitini resmiy étirap qilidighanliqini élan qilghanidi.