engliyede xitaygha jasusluq qilish bilen eyiblengen herbiy xadimning jesiti baghchidin tépildi
xongkong (xitay) dairiliri üchün jasusluq qilish bilen eyiblengen engliye xan jemeti déngiz armiyesining sabiq ezasi shundaqla ichki ishlar idarisi köchmenler ishxanisining xadimi matéw trikét (Matthew Trickett) baghchida ölük halda tépildi.
türkiye awazi radiyosi xewiri: paytext londonning maydénxéd bazirida olturushluq 37 yashliq mettéw trikétning yekshenbe küni (19-may) bazardiki grénfél baghchisida ölük halda tépilghanliqi bildürüldi.
tamés wadisi rayonluq saqchi idarisi trikétning ölüsh sewebini jeset tekshürüshidin kéyin mueyyenleshtürgili bolidighanliqini uqturdi.
trikét baghchida tépilghanda jiddiy qutquzush élip bérilghan bolup, uning shu meydanda allburun ölgenliki aydinglashti.
ichki ishlar ministirliqi köchmenler ishxanisi emeldari trikét 2007 - yildin 2013 - yilghiche bolghan ariliqta engliye xan jemeti déngiz armiyeside alte yil esker bolüp wezipe ötigen idi.
trikétning igidarchiliqida bir xususiy bixeterlik shirkitiningmu barliqi élan qilindi.
aldinqi hepte trikét bilen birge chi léyungwey we chung biyuyüen isimlik kishiler, dölet bixeterlik qanuni dairiside sotqa tartilghan we xongkong istixbaratigha yardem bérish bilen eyiblengen idi.
sotta mezkur kishiler 20-dékabir(2023) din 2 - may (2024) ghiche bolghan ariliqta «chet el istixbarat organlirigha paydiliq» uchur toplash we közitish élip bérish bilen eyiblengen idi.
gumandarlarning xongkong istixbaratining menpeeti üchün engliyediki «démokratiyeni qollaydighan öktichilerni mexpiy közetkenliki» otturigha qoyulghan idi.
gumandarlar jasusluqtin bashqa yene 1-mayda engliyediki melum bir jaygha «mejburiy bésip kirish» bilenmu eyiblengen idi.
