rusiye yadro qorallirini ishlitish meshiqini bashlidi

türkiye awazi radiyosi xewiri: rusiye dölet mudapie ministirliqining bayanatida: «rusiye pirézidéntining yolyoruqigha asasen, armiye bash qomandanliq ishtabining rehberlikide jenubiy herbiy rayonida istratégiyelik bolmighan yadro qorallirini teyyarlash we ishlitishke alaqidarmanéwirining birinchi basquchi bashlandi» déyildi.

bayanatta, manéwir dairiside, mezkur rayondiki herbiy qisimlarning «iskender» namliq taktikiliq bashqurulidighan bomba sistémisi üchün kéreklik oq-dorilarni belgilengen nuqtigha yetküzüsh we ularni ishlitishke teyyarliq qilidighanliqi uqturuldi.

bayanatta, awazdin téz uchidighan «Kinjal» bashqurulidighan bomba seplengen urush ayropilanliriningmu manéwirgha qatnashturulidighanliqi bildürüldi.

bayanatta: «manéwir rusiyening yadro küchlirining teyyarliq iqtidarini ashurush we döletning zémin pütünlüki shundaqla igilik hoquqini qoghdash üchün teshkillengen bolup, bir qisim gherb emeldarlirining rusiyege qarshi ighwagerchilik xaraktérlik tehditlik bayanatlirigha jawab bérishnimu meqset qilidu» déyildi.