rusiye firansiyeni agahlandurdi

türkiye awazi radiyosi xewiri: rusiye fédératsiyesi tashqi ishlar ministirliqining yawropa bashqarmisi bashliqi artyom stodénnikof «riya nowosti» agéntliqining munasiwetlik soallirigha jawab bérip: «rusiye-firansiye munasiwiti heqiqeten chongqur kirizisqa duch keldi, weziyetni soghuq urush dewri bilenmu sélishturghili bolmaydu. döletler otturisidiki hemkarliqning asasliq saheliri, siyaset we iqtisadtinla ibaret emes؛ medeniyet, maarip we tenterbiye saheliridiki munasiwetlermu firansiye terepning tosqunluqigha uchrimaqta.

studénnikof parizhning ukrainagha esker ewetish pilanigha baha bérip: «ochuqini éytqanda, eger bu xil ehwal körülse, uninggha qayturulidighan inkas tedbirliri siyasiy sahedin halqip kétidu. biz firansiye terepni bu mesile toghrisida köp qétim agahlandurduq» dédi.

u yene, buning moskwaning tallishi emes, belki «gherbning uzun yillar boyiche rusiyege yürgüzgen, aqiwet bir arilashma urushqa aylinip ketken bésim siyasiti»ning netijisi ikenlikini otturigha qoydi.

firansiye prézidénti émmanuél makron rusiye armiyesi aldinqi sepni bösüp ötken we kiyéw yardem telep qilghan teqdirde, ukrainagha esker ewetish mumkinchiliki barliqini éytqanidi.