reisi tik uchar weqeside jénidin ayrildi

türkiye awazi radiyosi xewiri: iran dölet téléwiziyesining xewiride bildürülishiche, ibrahim reisi bilen tik ucharda birge olturghan iran tashqi ishlar ministiri hüseyin emir abdullahiyan, sherqiy ezerbeyjan ishtatining waliysi malik rehmeti we tebriz jüme imami ayetullah eli hashimi, inqilabiy muhapizetchiler qismining ikki neper yuqiri derijilik emeldari we üch neper tik uchar xadimi jénidin ayrilghan.

qeyt qilinishiche, türkiyedin ewetilgen aqinji uchqusi muweppeqiyetlik halda tik ucharning qalduqlirini bayqighan.

ibrahim reisi we uning hemrahliqidiki heyet olturghan tik ucharning, tünügün (19-may) ezerbeyjan pirézidénti ilham eliyéw bilen birlikte ikki dölet chégrasida sélinghan su tosmisining échilish murasimigha qatniship qaytiwatqinida, nachar hawa sharaiti tüpeylidin yerge qattiq qonghanliqi bildürülgen idi.

ibrahim reisi bu yil 63 bolup, 2021-yili ötküzülgen saylamda iranning 8-nöwetlik pirézidéntliqigha saylanghan idi. hüseyin emir abdullahiyanmu shu yilidin bashlap tashqi ishlar ministiri bolghan idi.