ukraina aldimizdiki 100 kün ichide qirim köwrükini pachaqlap tashlashni pilanlimaqta
engiliyening «The Sun» géziti ukrainaning iyul éyining otturilirida qirim köwrükini qattiq bombardiman qilish arqiliq pachaqlap tashlishi mumkinlkini xewer qildi.
türkiye awazi radiyosi xewiri: xewerde bildürülishiche, rusiye teripidin qanunsiz qoshuwélinghan qirim bilen rusiye otturisidiki birdinbir baghlinish yoli bolghan bu köwrükni pachaqlap tashlash üchün ukraina qoralliq qisimliri <boran saye> namliq bomba oralmisi, tizgineklik déngiz apiratliri we F-16 tipliq urush ayropilanlirini ishlitishni pilanlighan.
engiliyening «The Sun» géziti ukrainaning nishangha zerbe bérishni we bu arqiliq hujum qilish iqtidarini gherbke körsitishni xalaydighanliqini hemde 100 kün ichide köwrükni weyran qilishqa tirishidighanliqini we buning ukraina qoralliq qisimlirining birinchi hujum nishani ikenlikini ilgiri sürdi.
ukraina pirézidénti wolodimir zélénskiy bultur iyulda ukraina dairilirining bu köwrükni yoqutush tirishchanliqining dawamlishidighanliqini, chünki bu köwrükning qirimgha qoral toshushta ishlitilidighan asasliq yol ikenlikini éytqan idi.
zélénskiy kiyéw dairilirining qirim köwrükini pachaqlap tashlash üchün qanuniy we exlaqiy heq - hoquqi barliqini, bu hoquqlarni choqum ishqa salidighanliqini tekitligen idi.
