shiwéytsariye ukraina tinchliq yighinigha sahibxanliq qilidu

türkiye awazi radiyosi xewiri: shiwéytsariye fédératip hökümiti yazma bayanat élan qilip, ukrainaning keng dairilik, adil we uzaq muddetlik tinchliqigha kapaletlik qilish üchün, yuqiri derijilik rehberlerning ishtirak qilishi bilen <ukraina tinchliq yighini> ötküzülidighanliqini uqturdi.

«yighin tinchliq musapisige bashlamchi bolalaydighan zörür sharait hazirlandi» déyilgen bayanatta, yighinning meqsitining döletler ara  <ukrainada tinchliq ornitish> ortaq tonushini östürüsh ikenliki qeyt qilindi.

yighinning iyunda shiwéytsariyening burgénstok bazirida ötküzülüshining pilanlanghanliqi bildürüldi.

shéwitsariye paytexti bérnda dölet ishliri ziyaritide bolghan ukraina pirézidénti wiladimir zélénskiy 15-yanwar shiwéytsariye fédératsiyesi reisi wiola amxérd bilen körüshken we uning bilen ötküzgen qoshma muxbirlarni kütüwélish yighinida söz qilip, özlirining shiwéytsariye bilen birlikte tinchliq yighini teyyarliqlirini 16-yanwarda bashlaydighanliqlirini uqturghanidi.

zélénskiy yighingha peqet ukrainaning zémin pütünlükini qollaydighan döletlerningla teklip qilinidighanliqini, rusiyening söhbetke qatnashmaydighanliqini, xitayning qatnishishini ümid qilidighanliqini eskertkenidi.