nétanyahu: héchqandaq küch refahqa hujum qilishimizni tosiyalmaydu
isirailiye bash ministiri nétanyahu «dunyada héchqandaq küch» ning texminen 1.5 milyon pelestinlik panahliniwatqan refah shehirige quruqluqtin hujum qilishni tosiyalmaydighanliqini éytti.
türkiye awazi radiyosi xewiri: isirailiye bash ministirliq ishixanisi bayanat élan qilip, nétanyahu tél xashomérdiki bir herbiy bazini ziyaret qilghanda, refahqa quruqluqtin hujum qilish toghrisida söz qilghanliqini bildürdi.
bayanatta, nétanyahuning isirailiyening meqsitining «esirlerni qutquzush, hamasni yoqitish we ghezzening buningdin kéyin isirailiye üchün tehdit peyda qilmasliqini kapaletke ige qilish» ikenlikini tekitligenliki qeyt qilindi.
eskertilishiche, nétanyahu amérika qatarliq nurghun döletler we xelqaraliq jemyetler qarshi chiqqan refahqa quruquqtin hujum qilish mesilisi üstide toxtilip: «refahni öz ichige alghan halda hamasning birigadilirini yoqitishni axirlashturimiz. dunyada héchqandaq küch bizni tosiyalmaydu» dégen.
nétanyahu refahqa quruqluqtin hujum qilish waqtining békitilgenlikini bildürgen idi.
