xusiylar engliye bilen isirailiyening paraxotlirigha hujum qilghan
yemende iranning qollishi astidiki xusiylar, qizil déngiz, oman déngizi we hindi okyanda engliye bilen isirailiyening üch paraxotigha hujum qilinghanliqini élan qildi.
türkiye awazi radiyosi xewiri: xusiylarning herbiy bayanatchisi yehya seri «elmisre téléziyesi» de bayanat élan qilip, engliyening bir paraxotigha bashqurulidighan bomba étilghanliqini we bombining nishangha del tegkenlikini bildürdi.
u ishghal astidiki pelestin portlirigha qarap kétiwatqan isirailiyening ikki paraxotighimu hujum qilinghanliqini, hindi okyanda «MSC GRACEF» paraxotigha, oman déngizida «MSC GINA» paraxotigha bashqurulidighan bombilar bilen zerbe bérilgenlikini qeyt qildi.
u ghezzeni bombardiman qilish axirlashqiche, isirailiye paraxotilirining qizil déngiz, oman déngizi we hindi okyandin ötüshige tosqunluq qilidighanliqlirini eskertti.
yemende iranning qollishi astidiki xusiylar, israiliyening ghezzediki hujumlirigha qayturulghan inkas süpitide 2023-yili 31-öktebirdin buyan yemenning déngiz tewelikide israiliye shirketliri bilen munasiwiti bolghan soda paraxotlirini musadire qilip, yene bezi paraxotlargha uchquchisiz ayropilan we bashqurulidighan bombilar bilen hujum qilip kelmekte.
nurghun xelqaraliq déngiz tiransport shirketliri xusiylarning hujumliri sewebidin qizil déngizdiki paraxot qatnishini bikar qildi.
dunya sodisining texminen %12 i aqdéngizni qizil déngizgha tutashturup, yawropa bilen asiya otturisidiki musapini qisqartidighan süweyish qanili arqiliq emelge ashidu.
amérika dunya déngiz sodisi bixeterlikining tehditke uchrighanliqini seweb körsitip, 2023-yili 18-dékabir bir qanche döletning qollishi bilen xusiylargha qarshi «refahni qoghdash herbiy herikiti» namida «déngiz herbiy qismi» ning qurulghanliqini élan qilghan idi.
xusiylar amérika bilen engliye qisimlirining yemende özlirining kontrolluqida turuwatqan rayonlargha hujum qilishidin kéyin, bu ikki döletning barliq paraxotlirining hujum nishani bolidighanliqini uqturghan idi.
