xitay töt dölet manéwir ötküzüwatqan jeubiy déngizni charlaydighanliqini élan qildi

türkiye awazi radiyosi xewiri: xitay xelq azadliq armiyesining jenubiy firont qomandanliq ishtabi bayanat élan qilip, qomandanliq terkibidiki hawa we déngiz qisimlirining jenubiy déngizda «birleshme jeng charlash paaliyetliri» ni élip baridighanliqini bildürgen.

bayanatta, amérika we bashqa döletlerning ismi tilgha élinmastin, «rayonning weziyitige buzghunchiliq qilish we kirizis nuqtilirini peyda qilishni meqset qilghan herbiy paaliyetlerning közitish astida» ikenliki bildürüldi.

töt döletning dölet mudapie ministirliri tünügün (7-aprél) élan qilghan birleshme bayanatida , jenubiy déngizda «qanunning üstünlüki, déngiz we hawa seperliri qilish heq-hoquqini qoghdash» üchün birleshme manéwir ötküzülidighanliqini élan qilghan idi.

mezkur birleshme manéwirning «gherbiy filippin déngizi» dep atilidighan jenubiy déngizning shimalida, yeni xitay bilen filippin otturisida igilik hoquq majirasigha seweb boluwatqan we yéqinqi künlerde ikki dölet déngiz qirghiqi muhapizet paraxotlirining bir-birige soqulush derijisigiche yétip barghan jiddiychilikler yüz bergen rayonda élip bérilidighanliqi uqturulghan.

jenubiy déngiz ikkinchi dunya urushidin kéyin déngiz boyidiki döletler musteqilliqini qolgha keltürgendin buyan, rayondiki döletler arisida igilik hoquqi majiralirining merkiziy bolup keldi.