xitayning ikki herbiy paraxoti yaponiyening déngiz tewelikige tajawuz qildi
xitayning ikki déngiz sahili muhapizet paraxotining sherqiy déngizdiki talash-tartishliq sénkaku taqim arili etrapida yaponiyening déngiz tewelikige tajawuz qilghanliqi bildürüldi.
türkiye awazi radiyosi xewiri: okinawa ölkisige qarashliq naxa nehiyesige tewe 11 - rayon déngiz sahili muhapizet bash ishtabining bayanatigha asaslanghanda, xitay paraxotliri utsuri we minami-koji ariligha yéqinliship, rayonda 31 saet turghan we yaponiye déngiz sahili muhapizetchilirining agahlandurushidin kéyin qaytip ketken.
dölet téléwiziye istansisi «NHK» ning xewirige qarighanda, bu qétimqi weqe sénkaku etrapida xitay herbiy unsurlirining yaponiye zémin tewelikige mushu bir yil ichide 8 - qétim tajawuz qilghanliqi bolup ruyxetke élinghan.
yaponiye «sénkaku», xitay bolsa, «dyawyü» dep ataydighan taqim arili xitayning sherqiy déngizigha we yaponiyening gherbiy jenubiy déngiz qirghiqigha jaylashqan bolup, 5 aral we 3 qiyaliqtin terkib tapqan shundaqla igilik hoquqi yaponiyening qolida bolghan, emma xitay igilik hoquqi barliqini ilgiri sürüp kéliwatqan bu ademsiz rayon uzundin jiddiy talash tartishlargha seweb bolup kelmekte.
