yuqiri derijilik emeldarlar nétanyahu üstidin sotqa erz qildi

türkiye awazi radiyosi xewiri: kalkalist (Calcalist) iqtisad tori bash ministir nétanyahuning wezipisidin qaldurulushini telep qilip, sunulghan erzning tepsiliy mezmuni toghrisida xewer élan qildi.

bildürülishiche, iqtisadshunas, téxnologiye mutexessisi we akadémiklardin teshkil tapqan yuqiri derijilik 28 emeldar, nétanyahuni wezipisidin qaldurushni telep qilghan erzini aliy sot mehkimisige tapshurghan.

erzde, nétanyahuning «urushta dölet menpeetini chiqish qilip heriket qilish» mesuliyiti bilen, «para élish, qoymichiliq qilish we hoquqidin qalaymiqan paydilinish jinayetliri bilen eyiblengen dewalarni kéchiktürüsh» ke oxshash shexsiy menpeetliri otturisida qalghanliqi eskertildi.

erzde yene, «nétanyahuning urush bashlanghandin buyan bir qanche qétim urush ishlirigha yétekchilik qilish bilen aldirash ikenlikini seweb körsitip, üstidin échilidighan chiriklikke munasiwetlik sotning kéchiktürülüshni telep qilghanliqi» alahide tekitlendi we bash ministirni wezipisidin qaldurush telep qilindi.

nétanyahu chiriklik jinayiti bilen sherqiy quddus rayonluq sot mehkimiside sotlinidu.