israiliyede bényamin nétanyahugha qarshi namayishlar künséri kücheymekte
israiliyede bash ministir bényamin nétanyahugha we uning urush kabinétigha bolghan naraziliq kündin künge kücheymekte.
türkiye awazi radiyosi xewiri: ghezzediki israiliyelik esirlerning yéqin-yoruqliri we hökümetke qarshi guruppilardin teshkil tapqan minglighan namayishchi hökümetni tenqid qilidighan lozunkilarni kötürüp, israiliyening hemmila yéride dégüdek kochilargha chiqti.
namayishchilar israiliyening simwolluq jaylirining biri bolghan parlamént binasi, aliy sot orgini we hökümet binaliri jaylashqan rayonni qamal qildi hemde «hökümet istépa!» dep shoarlar towlidi.
namayishchilar namayishta awazini nétanyahugha anglitish üchün, bash ministirliq turalghusigha qarap yürüsh qildi.
bash ministirliq turalghusi aldigha barmaqchi bolghan bir top namayishchilar bilen saqchilar otturisida sürkilish yüz berdi.
namayishchilar saqchi tosuqlirini bösüp ötüshke tirishti, saqchilar namayishchilarni qattiq qolluq bilen tosti.
namayishchilar turghan kochilargha sésiq puraqliq ximiyelik su chéchildi.
atliq saqchilar we ijtimaiy weqelerge arilishish aptomobilliri, bash ministirliq turalghusigha tutishidighan kochilarni qamal qildi.