baydin rusiyege heywe körsetti

türkiye awazi radiyosi xewiri: pirézidént jo baydin wal kochisi géziti muxbiri gérshkowichning «jasusluq bilen shughullinish» bilen eyiblinip rusiyede tutup turuluwatqanliqining birinchi xatire yilida yazma bayanat élan qilip, rusiye hökümitini amérikaliqlarni «soda qorali» qilip ishlitishke urunuwatqanliqini ilgiri sürdi.

«amérika rusiyege buning bedilini töletküzidu» dégen baydin, gérshkowichni türmidin chiqirip, amérikagha qayturup kélish üchün qolidin kélishiche tirishchanliq körsetkenlikini bildürdi.

amérika tashqi ishlar ministiri antoniy blinkénmu bu heqte yazma bayanat élan qilip, rusiyening gérshkowichni naheq türmige qamap, amérikagha qarshi siyasiy kozir qilip ishlitishke urunghanliqini otturigha qoydi.

wal kochisi gézitining moskwa ishxanisida muxbir bolup ishligen éwan gérshkowich, 2023-yili 29-mart rusiye fédératsiyesining ural rayoni yékatérinburg shehiride jasusluq bilen shughullanghanliqidin gumanlinip qolgha élinghanidi.

rusiye fédératsiyesi bixeterlik idarisi, amérika puqrasi gérshkowichning «amérika hökümiti üchün jasusluq qilish» jinayiti bilen eyiblinip qolgha élinghanliqini, jinayiti békitilgen teqdirde, 20 yilghiche qamaq jazasigha höküm qilinishi mumkinlikini bildürgenidi.