amérika b d t ning israiliye toghrisidiki «irqiy qirghinchiliq» doklatini ret qildi

türkiye awazi radiyosi xewiri: b d t ning pelestin alahide doklatchisi firansiska albanésé israiliyening irqiy qirghinchiliq jinayiti sadir qilghanliqini otturigha qoyup: «dunyaning israiliyeni jawabkarliqqa tartmasliqi ghezzede irqiy qirghinchiliq sadir qilishini keltürüp chiqarmaqta. ghezzediki irqiy qirghinchiliq uzun muddet dawamlashqan köchmen mustemlikisining eng chékidin ashqan basquchi» dédi we b d t gha eza döletlerni israiliyege jaza yürgüzüshke chaqirdi.

b d t doklatchisi albanéséning bu sözliri amérika qoshma ishtatlirini biaram qildi؛ amérika tashqi ishlar ministirliqi bayanatchisi matéw millér, dölitining bu doklatni qobul qilmaydighanliqini, israiliyening «irqiy qirghinchiliq jinayiti sadir qilmighanliqi»ni ilgiri sürdi.

u washingtonning israiliyeni qollashni dawamlashturidighanliqini élan qilip: «doklatning özige kelsek, biz irqiy qirghinchiliq eyibleshlirining asassiz ikenlikige ishinidighanliqimizni éniq otturigha qoyduq. emma, biz yenila ghezzediki puqralarning ölüsh-yarilinish sanidin küchlük endishe qilmaqtimiz» dédi.

bayanatchi matéw millér  yene, doklatni élan qilghan b d t pelestin alahide doklatchisi albanéséning doklatida antisimitizmliq ibarilerni ishletkenlikini ilgiri sürdi.