xitay türkiyening mudapie sanaiti mehsulatlirining éksporttiki muweppeqiyitini xewer qildi
türkiyening mudapie sanaiti mehsulatlirining éksporttiki muweppeqiyiti dunyaning kün tertipidin orun élishni dawamlashturmaqta.
türkiye awazi radiyosi xewiri: dunya metbuatliri tarixtiki eng yuqiri sewiyige yetken türkiyening mudapie sanaiti éksport nisbitini yéqindin közetmekte.
bu muweppeqiyetler xitay metbuatliriningmu kün tertipidin orun aldi.
xitay armiyesige tewe «dölet mudapie géziti», «türkiyening mudapie éksporti tarixtiki eng yuqiri sewiyige yetti» serlewhilik xewer élan qildi.
gézitning xewiride dölet mudapie sanaiti mehsulatliri ékisportining bultur %25 éship, 5 milyard 500 milyon dollargha yetkenliki tekitlendi.
türkiyening bu nisbet bilen dunya qoral bazirida 12 - orungha örligenliki uqturuldi.
xewerde éksport qiliniwatqan mehsulatlarning dairisining kengliki terepke alahide diqqet tartilip, «türkiye quruqluq wastiliridin uchquchisiz ayropilanghiche nurghunlighan zamaniwi mehsulatlarni éksport qilmaqta» déyildi.
türkiyening mudapie sanaiti mehsulatlirining shimaliy atlantik ehdi teshkilati ölchemlirige toluq mas kélidighanliqi we ittipaq ezaliridin ottura sherq döletlirigiche nurghun döletlerge éksport qiliniwatqanliqi eskertildi.
türkiye mudapie sanaiti éksportining téz éshishining seweblirimu xewerge alahide kirgüzüldi.
türkiyening küchlük téxnikiliq bilim – tejribilerge ig bolushtin bashqa yene, hökümetning dölet mudapie sanaitini tereqqiy qildürüshni we éksportini ashurushni aktip qollap quwwetlewatqanliqi chüshendürüldi.
