zélénskiy musulman eskerlerge iptar berdi

türkiye awazi radiyosi xewiri: ukraina pirézidéntliq mehkimisi ishxansining bayanatida bildürülishiche, pirézidént wolodimir zélénskiy kiyééwde musulman eskerlerge bérilgen iptar ziyapitige qatniship muhim söz qilghan.

iptar ziyapitige yene, ukraina siyasetchiliridin bashqa, türkiye, türkmenistan, pelestin, özbékista, misir, liwiye, pakistan, hindonéziye, jenubiy afriqa, ezerbeyjan, marakesh, sudan, qatar, iraq, qirghizistan qatarliq döletlerning bash elchiliri we qirim tatarlirining milliy rehbiri mustafa abduljemil qirimoghlumu qatnashti.

pirézidént zélénskiy iptar ziyapitide, musulman eskerlerge mukapat teqdim qilghan we ötken yili (2023) bir enenini bashlighanliqlirini bildürdi.

u mubarek ramizanni birlikte tebrikligenliklirini eskertip: «bügün dölitimizning siyasiy rehberliki, herbiy qomandanlar, ukrainadiki musulman xelqlerning wekilliri, qirim tatar milliy mejlisi we diplomatik jemiyetler bille. bügün bu yerde bir yerde olturghanliqimizdin nahayiti xushalmen. ittipaqliq intayin muhim. bolupmu hayat, urush we hujumlarning kölenggisi astida turuwatqanda téximu muhim» dédi.

u axirida, dölitini we erkinliklirini qoghdawatqan ukraina armiyeside wezipe ötewatqan musulman eskerlerning kürishini teqdirlep, körsetken jasariti üchün teshekkür éytti.