israiliye ministiri b d t xewpsizlik kéngishining qararigha pésent qilmaydighanliqini bildürdi
israiliye tashqi ishlar ministiri yisrail katz b d t xewpsizlik kéngishining ramizan éyi boyiche ghezzede urush toxtitish qarari chiqarghanliqigha pésent qilmastin: «israiliye urushni toxtatmaydu. biz hamasni yoqitimiz» dédi.
2120181
türkiye awazi radiyosi xewiri: ghezze rayonining oxshash bolmighan jaylirigha quruqluq, hawa we déngiz arqiliq élip bériwatqan we 32 ming pelestinlikning öltürülüshige seweb bolghan israiliyening hujumliri 172 - künidimu dawamlashmaqta.
rayondiki jiddiy weziyetni peseytish üchün tünügün (25-mart) muhim bir qedem tashlanghan bolup, birleshken döletler teshkilati xewpsizlik kéngishi 9 - aprélda axirlishidighan ramizan éyi boyiche ghezzede urush toxtitishni qarar qilghan idi.
israiliye tashqi ishlar ministiri yisrail katz X ijtimaiy alaqe supisidiki yazmisida urush toxtitish qarari üstide toxtaldi.
u: «israiliye urushni toxtatmaydu. biz hamasni yoqitimiz we axirqi (israiliyelik) esir qaytqangha qeder urush qilimiz» dédi.
