wujich: amérika bilen engliye hujumning yüz béridighanliqini biletti
sérbiye pirézidénti aléksandir wujich amérika bilen engliye rusiyening paytexti moskwadiki konsért zalida yüz bergen qoralliq hujumni aldin bilidighanliqini ilgiri sürdi.
türkiye awazi radiyosi xewiri: wujich bir mehelliy téléwiziyening söhbet pirogrammisida, moskwadiki konsért zalida puqralarni zerbe obyékti qilghan térrorluq hujumi toghrisida toxtaldi؛ u rusiye pirézidénti wiladimir putin we rusiye xelqidin hal sorighandin kéyin: «biz bir nechche qétim dégen, emma nahayiti az sandiki kishiler anglashni, nahayiti az sandiki kishiler ishinishni, nahayiti az sandiki kishiler pakitqa qarashni oylighan nerse, 7-martta amérika (moskwadiki) elchixanisi, puqralirini soda-sétiq merkezlirige barmasliqqa chaqirghandin kéyin, engliye we bashqilirimu shundaq qildi. bashqiche éytqanda bu, ularning istixbarat tarmaqlirining bezi gep-sözlerni tingshighanliqi, uchur igiligenliki we mushundaq bolidighanliqini bilidighanliqidin dérek béridu» dédi.
moskwada yüz bergen weqening mölcherlesh qiyin aqiwetlerni keltürüp chiqiridighanliqigha isharet qilghan sérbiye pirézidénti wujich, sérbiye dölet bixeterlik kéngishini bügün yighin échishqa chaqirdi.
yighin chaqirishning her xil sewebliri barliqini bildürgen wujich, moskwadiki hujumningmu yighinda muzakire qilinidighanliqini sözlirige ilawe qildi.
deslepki mölcherlerge qarighanda, moskwadiki bir konsért zalida yüz bergen térrorluq hujumida 60 adem qaza qilghan, 115 din artuq adem yarilanghan.
