fidan: yawropa ittipaqigha eza bolush türkiyening istratégiyelik nishani
türkiye jumhuriyiti tashqi ishlar ministiri xaqan fidan yawropa ittipaqigha eza bolushning türkiyening istratégiyelik nishani ikenlikini otturigha qoydi.
türkiye awazi radiyosi xewiri: türkiye jumhuriyiti tashqi ishlar ministiri xaqan fidan paytext enqerede dölet ishliri ziyaritide bolghan ispaniye tashqi ishlar ministiri josé manuél albaris bilen tashqi ishlar ministirliqidiki uchrishishidin kéyin ötküzülgen qoshma muxbirlarni kütüwélish yighinida söz qildi.
ispaniyening bashtin tartipla türkiyening yawropa ittipaqigha eza bolush musapisini bashtin-axir semimiy qollighan döletler qataridin orun alghanliqini, xizmetdishigha yawropa ittipaqigha eza bolushning türkiyening istratégiyelik nishani bolushni dawamlashturuwatqanliqini yene bir qétim tekitligenlikini bildürgen ministir fidan, sözini dawamlashturup: «men türkiyening yawropa ittipaqigha eza bolush musapisining bir qisim döletlerning pichek siyasiy küntertipige tashlap qoyghili bolmighudek derijide muhimliqini qayta tekitlidim. yawropa ittipaqi ichide ispaniye ghezze mesiliside bashtin tartip pirinsipal pozitsiyede bolup, pelestin xelqi terepte turghan döletlerning biri. ispaniyening teqdirleshke erziydighan bu pozitsiyesi pelestin mesilisining diniy we étnik kimliklerdin halqighan uniwérsal dewa ikenlikining yene bir ispati» dégenlerni qeyt qildi.
