nétanyahu: refahqa quruqluqtin kirish iradimiz qetiy
isirailiye bash ministiri nétanyahu ghezzediki bombardimanlar sewebidin qachqan texminen 1.5milyon kishi panahliniwatqan jenubtiki refah shehirige kütülüwatqan quruqluq hujumini tosush üchün, bezi guruppilarning amérika bilen hemkarlashqanliqini ilgiri sürdi.
türkiye awazi radiyosi xewiri: wallaning xewiride qeyt qilinishiche, nétanyahu tashqi ishlar we bixeterlik komitétidiki bir qétimliq mexsus uchrishishta, isirailiyediki bezi guruppilarning «hamas üstidin ghelibe qilish» qa tosqunluq qilishqa tirishiwatqanliqini bildürüp: «isirailiyediki bezi guruppilar refahqa herbiy heriket bashlashni tosush üchün amérika bilen hemkarlishiwatidu» dégen.
u refahqa hujum qilishtin bashqa yolning yoqluqini bildürüp, pelestin döliti qurulushining aldini alghanliqliri üchün amérikaning buninggha qarshi turuwatqanliqini ilgiri sürdi.
u amérika bilen «hamasni yoqitish mesiliside emes, belki refahqa quruqluqtin kirish mesiliside ixtilap barliqi» ni eskertip:«éship qalghan birigadilarni yoqatmay turup, hamasni herbiy nuqtidin yoqitishning bashqa yolini körelmeywatimiz. buni emelge ashurush iradimiz qetiy» dédi.
