xelqaraliq jemiyetler rusiyening saylamlirigha naraziliq bildürdi
rusiyening ukrainaning bezi rayonliri bilen abxaziye we jenubiy osétyada saylam ötküzgenlikige qarshi naraziliqlar arqa arqidin élan qilindi.
türkiye awazi radiyosi xewiri: giruziye, nato we yawropa ittipaqi rusiye saylamlirining qanunsiz ikenlikini bildürdi.
rusiye fédératsiyeside üch kün dawamlashqan saylam yekshenbe (17-mart) axirlashti. wladimir putin yene bir nöwet pirézidéntliqqa saylandi.
saylam netijilirige asaslanghanda, putin qatnishish nisbiti %77.44 bolghan saylamda %87.29 awazgha ériship ghelibe qilghan. rusiye 2014-yili qanunsiz halda özige qoshuwalghan ukrainaning qirim rayonida, 2022-yili qoshuwalghan donétsk, luxansk, xérson we zaporizhya rayonlirida, giruziyedin ayrip özige qoshuwalghan abxaziye bilen jenubiy osétyadimu saylam ötküzgen.
giruziye pirézidénti salomé zurabishwili abxaziye bilen jenubiy osétya rayonlirida rusiye pirézidéntliq saylimi ötküzüshning qanunsizliq ikenlikini tekitlidi.
u mezkur rayonlarning rusiyening ishghali astida ikenlikini bildürüp: «rusiye fédératsiyesi pirézidéntliq saylamlirining giruziyening ishghal astidiki rayonliridimu ötküzüshi qanunsiz we qobul qilishqa bolmaydu. bu saylamlar giruziyening igilik hoquqi we zémin pütünlükige yene bir qétim éghir xilapliq qilghanliq bolup, xelqaraliq qanunlarghimu pütünley xilap» dédi.
nato bash katipi stolténbérg ziyarette boluwatqan giruziyede bu heqte bayanat élan qildi.
u: «rusiyening giruziye we ukraina zéminlirida saylam ktküzüshi pütünley qanunsizliq hésablinidu» dédi.
yawropa ittipaqi: «ishghal astidiki ukraina zéminlirida qanunsiz halda ktküzülgen atalmish saylamlarni shiddet bilen eyibleymiz. rusiye bu saylamlar bilen b d t shertnamelirige, xelqaraliq qanunlar ghawe ukrainaning musteqilliqige, igilik hoquqigha we zémin pütünlükige yene bir qétim ochuqtin ochuq xilapliq qildi» dep bayanat élan qildi.
