baydin refah mesiliside nétanyahuni agahlandurdi
amérika pirézidénti jo baydin isirailiye bash ministiri nétanyahugha refah mesilisidiki «chongqur endisheliri» ni yetküzdi.
türkiye awazi radiyosi xewiri: pirézidént baydin isiraliye bash ministiri nétanyahu bilen téléfonda körüshüp, isirailiyening refahta «keng kölemlik quruqluq herikiti» élip bérishi mesilisidiki «chongqur endisheliri» ni tilgha aldi.
aqsaray baydin bilen nétanyahuning téléfon söhbitining aridin bir ay ötkendin kéyin, yeni 18-mart (2024) emelge ashqanliqi toghrisida bayanat élan qildi.
bayanatta bildürülishiche, baydin nétanyahugha ghezzege qiliniwatqan insanperwerlik yardemlirini körünerlik shekilde köpeytish kéreklikini éytqan.
u isirailiyening hamasqa qarshi özini qoghdash heq-hoquqining barliqini tekitlesh bilen birge, isirailiyeningmu oxshash shekilde puqralarni qoghdash mesuliyitining barliqini eskertken.
qatarda isirailiye bilen hamas otturisida dawamlishiwatqan esirlerni almashturush musapisiningmu muzakire qilinghanliqi bildürülgen bayanatta mundaq déyildi:
«pirézidént baydin isirailiyening refahta keng kölemlik quruqluq herikiti élip bérish mumkinchilikidin hés qilghan chongqur endishelirini tilgha aldi.»
isirailiyening 7-öktebir (2023) din tartip ghezzege qiliwatqan hujumlirida köpinchisi kichik bala bolup jemiy 32 minggha yéqin puqra jénidin ayrildi. refahqa hujum qilinghan ehwalda bu reqemning téximu éshishidin endishe qilinmaqta.
