isirailiye ghezzening qayta qurulushining chiqimigha mesul emeslikini bildürdi
ashqun ongchi maliye ministiri smotrich 7-öktebirdin buyan isirailiye onminglarche tonna bomba étip, doxturxana, mektep, jame, chérkawlarni we nurghun turalghularni weyran qilghan«ghezzening qayta qurulush chiqimigha isirailiyening mesul emesliki»ni bildürdi.
türkiye awazi radiyosi xewiri: ghezzediki hökümetning axbarat isxanisi 29-féwral (2024) yazma bayanat élan qilip, isirailiye armiyesining 7-öktebir (2023) din buyan ghezzege 70 ming tonnadin köp partlatquch atqanliqini qeyt qildi.
bayanatta bildürülishiche, isirailiye hujumlirida pütünley xaniweyran bolghan 70 ming turalghuni qoshqanda jemiy 290 ming turalghu olturghili bolmaydighan halgha kelgen. 160 hökümet eslihesi, 100 mektep we uniwérstét weyran bolghan, 305 mektep we uniwérstét buzghunchiliqqa uchrighan.
isirailiye armiyesining hujumida yene, ghezzede 211 jame pütünley weyran bolghan, 69 jame buzghunchiliqqa uchrighan we üch chérkaw weyran bolghan. 154 doxturxanining köpinchisi xizmet qilalmaydighan halgha kelgen. 200 tarixiy we medeniyet xaraktérlik orun buzghunchiliqqa uchrighan.
maliye ministiri bézalél smotrich isirailiye keltürüp chiqarghan xaniweyranchiliqning mesuliyiti üstide toxtalghanda: «ghezzening qayta qurulushining chiqimigha biz mesul emes» dédi.
