shiwéyétsariye we gérmaniyede israiliyening irqiy qirghinchiliqigha qarshi namayish ötküzüldi
shiwéyétsariyening jenwe shehiride minglighan kishi pelestinni qollash üchün yürüsh qildi.
türkiye awazi radiyosi xewiri: sheherning «Parc Des Cropettes» meydanigha yighilghan minglighan kishi namayish arqiliq, israiliyening 7 - öktebirdin buyan ghezzede qiliwatqan hujumlirigha narazliq bildürdi.
namayishchilar inglizche, firansuzche we erebche israiliyege qarshi naraziliq shundaqla pelestinni qollash shoarlirini towlidi.
namayishchilar israiliyening pelestinliklerge qaratqan «irqiy qirghinchiliqi» gha naraziliq bildürüp, ghezzediki acharchiliqqa, bolupmu kichik balilarning acharchiliq sewebidin ölüp kétiwatqanliqi terepke hemmining diqqitini tartti.
namayishchilar ghezze üchün «derhal urush toxtitinglar!» dep chaqriq élan qildi.
gérmaniyening paytexti bérlindimu pelestinni qollash namayishi ötküzüldi.
her xil pelestinlik guruppilar teripidin teshkillengen «pelestinni qollash namayishi» dairiside, nurghun kishiler néwkoln nahiyesiidiki sonnénallé poyiz istansisining yénigha toplandi.
namayishchilar andin pelestin bayriqini kötürüshüp hérman meydanigha qarap yürüsh qildi.
israiliyening ghezzege qilghan hujumigha narazliq bildürgen namayishchilar, «ghezzediki irqiy qirghinchiliqni toxtitinglar!», «quddus pelestinning paytextidur», «urush toxtitinglar!» we «pelestinge erkinlik!» dep yézilghan lozunkilarni achti.
bezi namayishchilar ghezzediki acharchiliq terepke hemmining diqqitini tartish üchün tawa - qazan, bowaq qonchaq we un xaltiliri bilen paaliyetke qatnashti.
namayish nutuq sözleshtin kéyin tinch axirlashti.