rusiyening uchquliri étip chüshürüldi
rusiyening bashqurulidighan bomba we uchqular bilen ukraina zéminlirigha hujum qilghanliqi bildürüldi.
türkiye awazi radiyosi xewiri: ukraina armiye qomandanliq ishtabi bayanat élan qilip, rusiyening 14-mart (2024) kéchide xarkiw we donétsk rayonlirigha yette dane «S-300/S-400» bashqurulidighan bomba atqanliqini, poltawa rayonigha «X-59» tipliq bashqurulidighan bomba atqanliqini, oxshimighan rayonlargha 27 dane «shahéd» (Şahed( namliq uchqular bilen hujum qilghanliqini bildürdi.
bayanatta, barliq uchqularning étip chüshürülgenliki qeyt qilindi.
kiyéw shehirining herbiy ishlargha mesul bashliqi sérgéy popko 15 uchquning kiyéw hawa tewelikige yéqin jayda étip chüshürülgenlikini, hujumda héchqandaq ziyan-zexmetning körülmigenlikini eskertti.
ukraina armiye ishtab bashliqi oléksandir sirskiy jtimaiy taratqu adrésida aldinqi sepning yéngi ehwali toghrisida uchur hembehrlidi.
u rusiye hujumlirini köpeytiwatqan awdiyiwka yönilishidiki herbiy qisimlarni ziyaret qilghanliqini bildürüp, «rusiye bir qanche kündin buyan üch birigadaning mudapiesini bösüp ötüshke urunuwatidu. her küni piyade qisimlarni yaki mashinilashqan qisimlirini ewetiwatidu» dédi.
2022-yili 24-féwral putinning ukrainani ishghal qilish toghrisida perman chüshürüshi bilen, ukraina-rusiye urushi resmiy bashlanghan idi.
putin ukrainaning natogha eza bolushining aldini élish we rusiyening tesir dairiside tutup turush üchün, ukrainani herbiysizleshtürüsh we natsistlardin tazilashni meqset qilghanliqini bildürgen idi.
مۇناسىۋەتلىك خەۋەرلەر
iraqtiki bir tebiiy gaz meydani hujumgha uchridi
iraqning sulaymaniye shehiridiki kor-mor tebiiy gazliq uchquchisiz hawa apparati hujumigha uchridi.
