amérikada 8 neper palata ezasi jo baydingha ochuq mektup yollidi
amérikada 8 neper palata ezasi pirézidént jo baydingha mektup yollap, uni «israiliyege qoral bérishni toxtitish» qa chaqiriq qildi.
türkiye awazi radiyosi xewiri: amérika kéngesh palatasida musteqil wérmont kéngesh palata ezasi bérniy sandérstin bashqa yene 7 démokratik kéngesh palata ezasi imza qoyghan mektubta, israiliye hökümitining ghezzege insanperwerlik yardemlerning yétip bérishigha tosqunluq qilghanliqi we bu qilmishning munasiwetlik xelqaraliq kélishimlerge tüptin xilapliq qilghanliq bolghanliqi tekitlendi.
kéngesh palata ezaliri amérikaning üchinchi döletke qoral-yaragh sétishta «insanperwerlik yardemlerge tosqunluq qilghan döletlerge yardem qilishqa bolmaydu» deydighan alaqidar qanun maddisini alahide eskertip, israiliyeni qoral bilen teminleshni derhal toxtitish chaqiriqida boldi.
kéngesh palata ezaliri amérika hökümitining bényamin nétanyahu hökümitige qoral yollishining amérika qanunlirigha xilap ikenlikini tekitlep, ghezzege muhim insanperwerlik yardemlerning téz sürette yetküzülüshi kéreklikini bildürdi.
amérika kéngesh palata ezaliri birleshme mektubida yene mundaq dep yazdi:
«fédératsiye qanunliri nahayiti éniq؛ ghezzediki kirizisning texirsizliki we bash ministir nétanyahuning amérikaning bu mesilige bolghan endishisini qanchilighan qétim körmeske salghanliqi éniq. shunga bu siyasetke özgertish kirgüzüsh üchün téz heriket qilish lazim.»
