shahbaz sherif türkiye bilen bolghan özara sodini kéngeytish chaqiriqi élan qildi

türkiye awazi radiyosi xewiri: bash ministir shahbaz sherif türkiyening islamabadta turushluq bash elchisi mehmet pachachining ziyaritini paytext islamabadtiki bash ministirliq ishxanisida qobul qildi.

uchrishishta, bash ministir sherif türkiye bilen pakistan otturisidiki 5 milyard dollarliq soda nishanini emelge ashurush üchün sodini kéngeytish kéreklikini bildürdi.

sherif pakistan bilen türkiyening négizlik mesililerde bir-birini üzlüksiz qollap kéliwatqanliqini we kelgüsidimu qollashni dawamlashturidighanliqini éytti.

sherif jumhur reis rejep tayyip erdoghanning téléfon qilghanliqi we yéngi wezipisini tebrikligenlikidin intayin xushal bolghanliqini tilgha élip, türkiyening yerlik küreshchi ayropilani kaanning muweppeqiyetlik uchqanliqi üchün türkiyeni tebrikleydighanliqini bildürdi.

sherif türkiye-pakistan 7-nöwetlik yuqiri derijilik istratégiyelik hemkarliq kéngishi yighini üchün erdoghanni pakistangha teklip qilghanliqini eskertip, pakistan xelqining jumhur reis erdoghanni paytext islamabadta kütüwélish üchün töt köz bilen teshna boluwatqanliqini éytti.  

bash elchi pachachimu qaytidin bash ministirliq wezipisige teyinlengen shahbaz sherifni tebriklidi we ikki dölet otturisidiki qérindashliq rishtisini kücheytishning muhimliqini tekitlidi.