ghezze sehiye ministirliqi xelqara teshkilatlardin qan iane qilishni telep qildi

türkiye awazi radiyosi xewiri: ghezzediki sehiye ministirliqi yazma bayanat élan qilip, dunya sehiye teshkilati, xelqara qizil krést jemiyiti, ereb we islam döletliridiki qizil hilal ay we ereb qan mulazimiti orgini qatarliq teshkilatlargha xitab qildi.

bayanatta, bu teshkilatlarning ghezzediki yaridarlar we bashqa bimarlarning hayatini saqlap qélish üchün barliq qan tipliridin qan iane qilishi, shundaqla qan xaltisi we qan tipini tekshürüsh matériyalliri ewetishi telep qilindi.

bayanatta yene, ghezze xelqining sergerdanliq we acharchiliqqa duchar qilinghan bolushigha qarimay, urush bashlanghandin buyan 40 ming posulkidin artuq qan teqdim qilghanliqi alahide tekitlendi.

israiliye armiyesi 7-öktebirdin buyan dawam qiliwatqan ghezze hujumliri jeryanida sehiye tarmaqlirigha éghir zerbe berdi.

ghezzediki sehiye ministirliqining 6-marttiki bayanatigha qarighanda, israiliyening hujumilirida hazirgha qeder 364 tébbiy xadim qaza qilghan, 269 kishi tutqun qilinghan, 155 dawalash apparati weyran bolghan, 126 qutquzush mashinisi ishletkili bolmaydighan haletke chüshüp qalghan, 32 doxturxana bilen 53 dawalash merkizi xizmettin toxtighan.

israiliyening 7-öktebirdin buyan dawam qiliwatqan ghezze hujumlirida qaza qilghan pelestinlikler sani 31 minggha yéqinlashti.