amérika balilar ölümliri toghrisida israiliyeni «éniq» agahlandurdi
amérika qoshma ishtatliri ghezzediki balilar ölümlirini «qobul qilghili bolmaydighanliqi»ni israiliyege «éniq qilip» yetküzgenlikini bildürdi.
türkiye awazi radiyosi xewiri: amérika tashqi ishlar ministirliqi bayanatchisi matéw millér kündilik muxbirlarni kütüwélish yighinida, muxbirlarning soallirigha jawab berdi.
u ghezzediki sharaitning «qorqunchluq» ikenlikini bayan qilip: «ishinimenki, qolliridiki cheklik yémekliklerni balilirigha bérish üchün, özliri ghizalinishtin waz kechken nurghun ata-anilar bar. bu sewebtin, balilar ölümini qobul qilishqa bolmaydu. biz buni israiliye hökümitige éniq bildürduq» dédi.
millér washingtonning hamasni rayondiki toqunushlarning bashlinishi we u keltürüp chiqarghan insaniy weziyetning jawabkari dep qaraydighanliqini eskertip: «emma, israiliye mesilini hel qilish we (ghezzege) téximu köp yémeklikning kirishige kapaletlik qilish üchün, téximu köp ishlarni qilishi kérek. pelestin xelqining heqiqiy, éghir we insaniy éhtiyajliri bar» dédi.
millérning bayanati pelestin sehiye ministirliqi bayanatchisi eshref elqudrening <israiliye tosalghuliri sewebidin insanperwerlik yardemliridin mehrum qalghan ghezze we ghezzening shimalida peqet 3-mart bir kün ichidila 15 balining achliqtin qaza qilghanliqini élan qilishi we birleshken döletler teshkilatining weqeni delillishidin kéyinki waqitqa toghra keldi.
israiliyening 7-öktebirdin buyan dawam qiliwatqan ghezze hujumlirida kem dégende 13430i bala, 8900i ayal bolup, jemiy 30631 pelestinlik qaza qildi, 72043 pelestinlik yarilandi.
