rusiye amérikani shimaliy yawropagha yadro qorali orunlashturush mesilisi toghrisida agahlandurdi
rusiye amérika yadro qoralliri shimaliy yawropagha orunlashturulghan teqdirde, uning rusiye-shimaliy atlantik ehdi teshkilati — nato otturisidiki yüz bergüsi toqunushta zerbe obyékti bolidighanliqini jakarlidi.
türkiye awazi radiyosi xewiri: rusiye tashqi ishlar ministirliqi bayanatchisi mariya zaxarowa sochida ötküzülgen dunya yashlar bayrimi dairisidiki heptilik muxbirlarni kütüwélish yighinida, finlandiye pirézidénti aléksandr stubbning «dölitining yadro qudritige ige bolushining nahayiti muhim» ikenliki toghrisidiki sözige baha berdi.
amérika yadro qoralliri shimaliy yawropagha orunlashturulghan teqdirde, bu qorallarning uni tapshuruwalghan döletlerning bixeterlikini kücheytmeydighanliqini otturigha qoyghan mariya zaxarowa: «eger amérika yadro qoralliri shimaliy yawropada peyda bolsa, u qorallar orunlashturulghan döletlerning bixeterliki ajizlapla qalmaydu, belki, éniqla ziyangha uchraydu» dédi.
u bu qorallar élip kélidighan aqiwetning nahayiti éniq we chüshinishlik ikenlikini tilgha élip: «bu xil nersiler biwasite tehdit shekillendüridu we nahayiti tebiiy halda, uning dölitimiz bilen nato otturisidiki biwasite herbiy toqunush sénariyeside otturigha qoyulghan qanunluq zerbe bérish obyékitliri tizimlikige kirishimu muqerrer. amérika we uning süniy hemrahliri (etrapidiki döletler) küchlük arzu qilidighan nersiningmu del mushu ikenlikini chüshinimiz» dégenlerni qeyt qildi.
