hizbullah israiliyege bashqurulidighan bombilar bilen bir kündila 11 qétim hujum qildi
hizbullah herikiti liwanning jenubidin israiliyening chégra rayonidiki herbiy baza we olturaq rayonlirigha bashqurulidighan bomba hemde bashqa oxshimighan qorallar bilen 11 qétim hujum qilghanliqini élan qildi.
türkiye awazi radiyosi xewiri: hizbullah yéqinqi 24 saet ichide liwan zéminidin israiliyege qilinghan hujumlar heqqide bayanat élan qildi.
bayanatta, israiliyening liwanning jenubidiki hula yézisigha qilghan we üch puqra jénidin ayrilghan hujumigha jawaben israiliyening kiryat shmona bilen kfar bilum olturaq rayonigha onlarche katusha atqanliqi, baghdadi we birket rishe bazisi shundaqla 769-sherq brigadisining kirat shmona gazarmisidiki qomandanliq merkizi, hemde kefir shuba choquliridiki ruweysat elalem bazisiningmu bashqurulidighan bombilar, bashqa munasip qorallar bilen bombardiman qilinghanliqi bildürüldi.
bayanatta, israiliyening chégradiki herbiy bazilirigha orunlashturulghan ikki dane mérkawa tipliq tankisiningmu pachaqlap tashlanghanliqi uqturuldi.
israiliye armiyesi radiyosining bildürishiche, liwandin kiryat shmona terepke 30 bashqurulidighan bomba qoyup bérilgen, 10 bashqurulidighan bomba hawa mudapie sistémisi teripidin étip chüshürülgen.
israiliye qisimliri bilen hizbullah herikitining 8 - öktebirdin buyanqi toqunushlirida 232 hizbullah ezasi, 48 liwan puqrasi, 11 amal herikiti ezasi, 12 hamas ezasi, 12 islamiy jihad herikiti ezasi we alte israiliye puqrasi we 11 israiliye eskiri jénidin ayrildi.
