ostin ukrainagha dawamliq yardem qilidighanliqlirini bildürdi
amérika dölet mudapie ministiri ostin ukraina dölet mudapie ministiri rüstem umerowa bilen körüshkende, ikki yildin buyan rusiyening ishghaliyitige qarshi urush qiliwatqan ukrainagha yardem qilishning dawamlishidighanliqini bildürdi.
türkiye awazi radiyosi xewiri: amérika dölet mudapie ministirliqi (péntagon, besh burjeklik bina) ministir ostinning ukrainaliq mensepdéshi rüstem umerowa bilen körüshkenliki toghrisida bayanat élan qildi.
bayanatta, ikki ministirning téléfon söhbitide, ukraina-rusiye urushidiki yéngi özgirishlerning muzakire qilinghanliqi qeyt qilindi.
bayanatta mundaq déyildi:
«ministir ostin amérika bilen texminen 50 ittipaqdash we shérik dölettin terkip tapqan birleshmening, rusiyening ishghaliyitige qarshi kürishini dawamlashturuwatqan ukrainani izchil qollaydighanliqini tekrarlidi.»
ostin bilen umerowning pirézidént baydinning qoshumche dölet xewpsizlik layihesini téz sürette kongredin ötküzüshi kérekliki toghrisida oxshash pikirge ige ikenlikliri qeyt qilinghan bayanatta, ministirlarning mesilige munasiwetlik yéqin alaqini saqlap qélish wedisini bergenliki eskertildi.
ukraina dölet mudapie ministiri rüstem umerow éks (X) adrésida hembehrlgen uchurida, ostingha urush sépidiki yéngi özgirishler toghrisida melumat bergenlikini bildürüp, nahayiti ünümlük «heptilik söhbet» ötküzgenlikini qeyt qildi.
amérikada ukraina we isirailiyege qoshumche herbiy yardem qilishni teklip qilghan 95 milyard dollarliq qanun layihesi, kéngesh palatasida qobul qilinghandin kéyin, awam palatasigha ewetilgen idi.
awam palatasining reisi mayk jonson (Mike Johnson) mezkur qanun layihesini jenubtiki chégralargha munasiwetlik bixeterlik tedbirliri yolgha qoyulmay turup testiqlimaydighanliqlirini élan qilghan idi.
