médwédéw ukraina zémini bölüshüwélinghan bir xeritini körsetti

türkiye awazi radiyosi xewiri: rusiye xewpsizlik kéngishining bashliqi dmitri médwédéw tünügün (4-mart) sochida ötküzülgen yashliq féstiwalida ukraina zéminining köp qismining rusiye, polsha, ruméniye we wéngiriye otturisida bölüshülgen bir xeritini körsetti.

xeritide peqet kiyéw we etrapidiki kichik bir rayonning üstide «ukraina» dep yézilghan idi.

dmitri médwédéw yene, «dinyépér» ning ikki qirghiqidiki rayonning rusiyening tarixiy istratégiyelik chégralirining «ayrilmas parchisi» ikenlikini bildürdi.

xeritide, transdinyéstér moldawiyening parchisi qilip körsitilidu.

dmitri médwédéw hazirqi weziyetni kuba bashqurulidighan bomba kirizisi bilen sélishturup: «bügünki weziyet 1962-yildikidinmu xeterlik. bu rusiyege qarshi amérikaning qoralliri bilen, amérika alahide qisimliri we meslihetchilirining qatnishishi astida qiliniwatqan toluq eslihelik urush» dédi.