islam hemkarliq teshkilati ghezze weziyiti toghrisida jiddiy yighin chaqiridu

türkiye awazi radiyosi xewiri: islam hemkarliq teshkilati organ tor bétide bayanat élan qilip, tashqi ishlar ministirliri kéngishining teshkilatqa eza döletlerning ishtirak qilishi bilen jiddiy yighin chaqirip, israiliyening ghezzege qaratqan hujumlirini muzakire qilidighanliqini uqturdi.

bayanatta, tashqi ishlar ministirliri kéngishining 5-marttiki yighinidin ilgiri, «islam hemkarliq teshkilati» bash ishtabida «yuqiri derijilik xadimlarning yighinning küntertipi we qarar layihesi» üstide bash qaturidighanliqi otturigha qoyuldi.

tashqi ishlar ministirlirining ishtirak qilishi bilen jidde shehiride ötküzülidighan yighinda, israiliyening ghezze hujumliridin kéyinki weziyet, shundaqla xelqara edliye sotining israiliyening pelestinge qaratqan irqiy qirghinchiliqini sotlash mesilisiningmu muzakire qilinishi texmin qilinmaqta.

israiliyening 7-öktebirdin buyan dawam qiliwatqan ghezze hujumliri netijiside, kem dégende 13230 nepiri kichik bala, 8860 nepiri ayal bolup, jemiy 30228 pelestinlik qaza qildi, 71337 pelestinlik yarilandi.

xarabilikler astida minglarche ölük barliqi ilgiri sürülmekte؛ israiliye xelq panahlanghan doxturxana we maarip orunlirigha hujum qilip, memuriy ul eslihelerni weyran qilmaqta.

israiliye armiyesi we qanunsiz köchmenlerning ishghaliyet astidiki gherbiy qirghaq (iyordaniye deryasining gherbiy qirghiqi) we sherqiy quddusta 2023-yili 7-öktebirdin buyan dawamlashturuwatqan hujumlirida  413 pelestinlik hayatidin ayrildi.