natoning keng kölemlik déngiz manéwiri bashlandi

türkiye awazi radiyosi xewiri: natoning déngiz we su asti paraxotliri urushi boyiche ittipaqdash döletler otturisidiki özara hemkarliqlarni tereqqiy qildurush, telim-terbiye sewiyesini yuqiri kötürüsh meqsitide, «Dynamic Manta-2024» (DYMA 24) manéwiri ötküzülidu. manéwir 26-féwral (2024) din 8-martqiche dawamlishidu.

nato ittipaqdash déngiz armiye qomandanliq ishtabi (MARCOM) «DYMA 24» manéwirining 26-féwral (bügün) din 8-martqiche ötküzülidighanliqi toghrisida yazma bayanat élan qildi.

bayanatta bildürülishiche, italiye déngiz armiyesining sahibxanliqida, türkiye , kanada, firansiye, gérmaniye, girétsiye, italiye, ispaniye, engliye we amérika qatarliq natogha eza döletler manéwirgha qatnishidiken. sijilya arili déngiz tewelikide ötküzülidighan manéwirgha, toqquz döletning herbiy paraxotliri, su asti paraxotliri we déngiz charlash ayropilanliri qatnashturulidiken.

aqdéngizdiki «eng chong we eng murekkep su asti paraxotliri manéwiri» dep atalghan bu qétimliq manéwirda, türkiye déngiz armiyesining «TCG» we «TCG Gediz» su asti paraxotliri qatnashturulidu.