xiroshimadin tépilghan we atom partlishda érip ketken qol saiti 31113 dollargha sétildi
yaponiyening xiroshima shehirige 1945 - yili tashlanghan atom bombisining qalduqliridin tépilghan we érip ketken qol saiti 31 ming 113 dollargha sétildi.
türkiye awazi radiyosi xewiri: amérikaning bostondiki RR kim artuq sétish merkizide, xiroshima xarabisidin tépilghan hemde atom bombisining partlash waqti 08:15 te toxtap qalghan we érip ketken qol saiti 31 ming 113 dollargha sétildi.
saetni sétiwalghan xéridarning ismi ashkarilanmidi.
RR kim artuq sétish merkizining bayanatida: «bu dangliq qol saet yadro dewrining etiginining belgisi we medeniyetning qarangghuluqining béshariti» déyildi.
saet sheherni jiddiy qutquzush buyumliri bilen teminlesh üchün xiroshimagha barghan engliyelik bir esker teripidin tépilghan idi.
2017 - yili nobél tinchliq mukapatigha érishken shiwiyétsariyede turushluq xelqara yadro qorallirini yoqitish herikiti (ICAN) bu saetning sétilishigha qarshi chiqqan idi.
tarixiy sawaqlarni öz ichige alghan bir buyumdin kishilerning maddiy menpeet ündürishining toghra bolmaydighanliqi sewebidin, qol saitining kim artuq sétish tizimlikidin chiqiriwétilishi telep qilinghan idi.
amérika 1945 - yili 8 - ayning 6 - küni xiroshimagha tarixtiki tunji atom bombisini tashlighan bolup, sheherning %90 i weyran bolghan we deslepki deqiqilerdila 80 ming kishi qaza qilghan idi.
