donald tramp: «baydin saylamda qayta ghelbe qilsa, xitay amérikigha hökümran bolidu»

türkiye awazi radiyosi xewiri: donald tramp amérika mariland ishtatida ötküzülgen amérika konsérwatiplar birleshmisining eneniwi konsérwatiplar siyasiy heriket yighinida söz qildi.

donald tramp 4 yil ilgiri amérika pirézidénti jo baydin saylanghan teqdirde, döletning chégrasining yoqilidighanliqi, ottura sinipning köp qismining yoq qilinidighanliqi we zorawanliq jinayi qilmishlirining köpiyidighanliqi heqqide agahlandurghanliqini eskertip, «hemme ishta déginimiz toghra chiqti» dédi.

eger baydin saylamda qayta ghelbe qilsa, hemme ishning téximu nacharlishidighanliqini otturigha qoyghan tramp, köchmenlerning sanining 50 milyondin éship kétidighanliqini, sehiye, ijtimaiy kapalet we maarip sistémisining gumran bolidighanliqini, qara guruhlarning amérika zéminini ishghal qilidighanliqini we xitayning amérikigha hökümran bolidighanliqini tekitlidi.

donald tramp wezipe ötesh mudditi boyiche héchqandaq urush chiqmighanliqini ilgiri sürüp, «eger men wezipide bolghan bolsam, israiliyege hujummu bolmaytti, ukrainada urushmu bolmaytti» dédi.

donald tramp yene, özi wezipe ötigen mezgilide iranning weyran bolghanliqini, hamas we hizbullahning meblegh tapalmaydighan halgha kelgenlikini, emdilikte bolsa iranning qaytidin bay bolup ketkenlikini éytti.

donald tramp pirézidént bolghan mezgilde nahayiti qisqa waqit ichide térorluq teshkilati daéshni weyran qilghanliqini tilgha élip, baydinning démokratiyege nisbeten bir tehdit ikenlikini otturigha qoydi.