israiliye hujumlirida qaza qilghan pelestinlikler sani 29606 ge yetti
israiliyening ghezzege qaratqan hujumlirida hayatidin ayrilghan pelestinlikler sani 29606 ge yetti.
türkiye awazi radiyosi xewiri: ghezzediki pelestin sehiye ministirliqi yazma bayanat élan qilip, israiliyening 7-öktebirdin bashlap 141 kündin buyan dawamlashturuwatqan hujumliri heqqide melumat berdi؛ yéqinqi 24 saet hayatidin ayrilghan 92 pelestinlikni qoshqanda, hujumlarda qaza qilghan pelestinlikler sanining 29606 ge yetkenlikige isharet qilinghan bayanatta, eng yéngi hujumlarda yene 123 pelestinlikning yarilanghanliqi, yarilanghanlarning omumiy sanining 69 ming 737 ge yetkenliki qeyt qilindi.
xarabiliklerning asti we yol boylirida hazirmu qaza qilghanlarning barliqi, emma israiliye armiyesining tosalghusi sewebidin, dawalash etriti we xelq mudapie xadimlirining jesetler alalmaywatqanliqi tekitlendi.
pelestin xewer agéntliqi —wafaning xewirige qarighanda, israiliye armiyesi elxelil, tulkerim, beytlehem we nablus qatarliq jaylarda kéche boyiche basturup kirip, tutqun qilish heriketlirini élip barghan.
