türkiye-somali mudapie we iqtisadiy hemkarliq ramka kélishimi imzalandi

türkiye awazi radiyosi xewiri: somali pirézidénti hesen sheyx mehmut éks (X) adrésida türkiye bilen mudapie we iqtisadiy hemkarliq ramka kélishimini imzalighanliqi toghrisida uchur hembehrlidi.

u: «somali bilen türkiye otturisida testiqlanghan mudapie we iqtisadiy hemkarliq kélishimini imzalidim. bu tarixiy kélishim dölitimzning bixeter we parlaq kelgüsige qarap ilgirilishide yéngi sehipining échilghanliqidin bésharet béridu» dédi.

u mezkur kélishimning türlük qanunsiz heriketlerge qarshi turushtiki ortaq iradini gewdilendürüp, somalining déngiz bixeterliki üchün zörür ikenlikini tekitlidi.

u mundaq dédi:

«biz qérindash türkiyening tinchliq, muqimliq we güllinishke bolghan tewrenmes, shundaqla del waqtida qollash toghrisida bergen wedisige emel qilghanliqigha chongqur minnetdarliqimizni bildürimiz.»

türkiye bilen somali otturisida 8-féwral (2024) dölet mudapiesi hemde bixeterlik mesililirini öz ichige alghan «dölet mudapie we iqtisadiy hemkarliq ramka kélishimi» imzalanghan idi.

iqtisadiy we siyasiy mesililerni bashtin kechürüwatqan somalida térrorluq teshkilati eshshabab köp yillardin buyan bixeterlik mesilisi peyda qilip kelmekte.