shiwétsiye:p k k gha qarshi küreshni dawamlashturimiz... xitay, rusiye we iran bixeterlikimizge tehdit
shiwétsiye istixbarat idarisi bashliqi sharlot won éssén dölitini baza qilip ishletken bölgünchi térrorluq teshkilati —p k k ning paaliyetlirining aldini élish tedbirlirini yolgha qoyghanliqlirini bildürdi.
türkiye awazi radiyosi xewiri: won éssén yéqinqi künlerde térrorluqqa qarshi turush dairiside qattiq tedbirlerni yolgha qoyghanliqlirini we bu arqa körünüshte türkiye bilen yaxshi hemkarlashqanliqini tilgha élip: «bizning bu yilqi bahalishimizdimu p k k térrorluq teshkilati katégoriyeside turushni dawamlashturidu. biz térrorluq teshkilatining paaliyet dairisini taraytish üchün bir qatar oxshimighan tedbirlerni qolliniwatimiz. biz shiwétsiyeni baza qilip ishlitiwatqan p k k ning her xil akyorliri we paaliyetlirini azaytish we aldini élishni xalaymiz» dédi.
rusiye, xitay we iranning shiwétsiyening bixeterlikige xewp peyda qiliwatqan döletler ikenlikini bildürgen éssén: «bu döletlerni arqa körünüsh qilghan istixbarat paaliyetliri shiwétsiyening bixeterlikige zor tehdit élip kelmekte» dédi.
shiwétsiye istixbarat idarisi, shiwétsiye herbiy we bixeterlik idarisi we shiwétsiye döletlik mudapie radiyo idarisi teripidin qurulghan «döletlik térrorluq tehditini muhakime qilish merkizi» 2023- 2024-yilliridiki shiwétsiyege qaritilghan térrorluq tehditini muhakime qilip teyyarlighan doklatini 13 – féwral élan qilghanidi.
bölgünchi térrorluq teshkilati—p k k ning paaliyetlirigimu orun bérilgen doklatta: «yawropada muntizm pul fondigha ige, belkim her yili milyonlarche kron yighishi mumkin bolghan p k k, yawropadiki qollighuchiliri arqiliq siyasiy lobichiliq élip bérip, xelqaraliq pursetlerdinmu paydilinip, siyasetke tesir körsitishke tirishmaqta. p k k shiwétsiyede ijabiy obraz yaritish we adem toplash üchün 2024-yilimu paaliyetlirini dawamlashturushi mumkin» dégen ibarilerge orun bérildi.
