gérmaniye taratquliri türkiyening küreshchi ayropilani <kaan>ning sinaq uchushigha keng orun ajratti

türkiye awazi radiyosi xewiri: gérmaniyening «wélt» gézitining «bu bir burulush nuqtisi, bu qedem türkiyening bir küreshchi ayropilan döliti süpitide qed kötürgenlikidin dérek béridu» serlewhilik xewiride, «kaan»ning tunji uchushini muweppeqiyetlik tamamlighanliqi qeyt qilindi.

türkiyening öz küchige tayinip zamaniwi urush ayropilanlirini ishlepchiqirish üchün, toxtawsiz küch chiqiriwatqanliqigha isharet qilinghan xewerde, buning téz sürette tereqqiy qiliwatqan türkiye mudapie sanaitining tarixiy burulush nuqtisi ikenliki otturigha qoyuldi.

qosh matorluq 5-ewlad küreshchi ayropilanning her xil yoshurunush iqtidarlirigha ige ikenliki, uni radar arqiliq bayqashning qiyin ikenliki qeyt qilindi.

gérmaniye awiyatsiye tor békiti «flugréwué»ning xewiride, «kaan»ning türkiyening ümid chirighi we asmandiki yéngi küreshchi ayropilani ikenliki tekitlendi hemde bir qatar yoshurun alahidiliklerge ige türkiyening yerlik küreshchi ayropilanining tunji qétimliq sinaq uchushini muweppeqiyetlik tamamliqigha dair uchurlargha orun bérildi.

«firankfortér algéméyn» géziti bolsa, «türkiye <kaan>ni élan qildi» serlewhilik xewiride, türkiyening öz küchige tayinip yasap chiqqan küreshchi ayropilanining tunji uchushini muweppeqiyetlik tamamlighanliqini yazdi.

xewerde, türkiyening 5-ewlad küreshchi ayropilani <kaan>ning hazirdin bashlapla ukrainaning qiziqishini qozghighanliqi qeyt qilindi.